Pichot pouèmo dou siècle 21 : Revène à-n-iéu

Romantica de Provença Lun 8 Oct - 19:14

Mèfi, aquéu tèste es en mistralen Smile

Aco parlo, d'un biais particulié, de l'angoni.

Revène à-n-iéu, alen rauba,
Pos cassa dins la matèri
Li gardian de ma misèri ?
Revène à-n-iéu, alen toumba.

Ben lèu li liame de mon esperit
Saran roumpu durènt la niue que vèn,
Quand ma tèsto toumbara dins lou rèn,
E senso autro deliéuranço qu'un crid.
Me fau desfaire ço que me retèn,
Ajudas-me que me sente mouri...

S'enracinon dins moun cors engourdi
De flour emé d'espino empouisounado,
Que fan d' iéu un jardin apourridi,
Liuen d'uno lus jamai assesounado.
Aro sente dins mi mèmbre enredi
Mi forço que se soun abóusounado.

Dins lou desert de mis iue estuba,
Crese vèire un mirau infini
De mounte vole aganta li rebat,
E mounte lou reau es embruni.
Quau siéu, iéu que me pode pas trouba ?
Belèu proun un pantai endemouni...

Revène à-n-iéu, alen rauba,
Pos cassa dins la matèri
Li gardian de ma misèri ?
Revène à-n-iéu, alen toumba.

Ifk At3