Bonjour à tous

Como va que poedi pas metre lo "e" de la fin à Blaquière ?
Como que siegue, mi presenti : mi dien Manu.
E siu de la Roco pas luench de Rocabaron !
Non ! siu pas de la Roco : resti a la Roco. Siu de Neulo. Neissut a Neulo.
Figura' vos que l'autre jor aviu beson de metre d'essenço 88 dans la pichono voaturo, et como sabiu que n'avié eila, chez vautre a Rocabaron, li siu annat nen cercar. Mai como si pou pas revenir en darnier sus la voa-rapido, duviu anar virar au men a Foucauquier (per revenir au rond-point). E siu donc passat davant lo Castelas. Sai pas ce que m'a pres, mais ai pas poscut m'empachar de li anar faire un tor, adaut... Ai pres quauquei fotos... Moco en retornant a l'hostau, mi siu rapelat que l'a foeço tems, quand eri joeine, n'aviu deja pres de fotos dau Castelas. Et lei ai retroubados ! Les ai messos sus mon sito, mont'ai fach 'no rubrico "Lo Castelas"! Li ai messos en paralelo em'aquelei d'encuei. (Li podres tojor anar li mandar un coup d'ueilh, se vos canto). Dau coup mi siu demandat se l'avié quicon sus lo Castelas, sus i'enternet... e de fiu en agueilho ai capitat sus voestre forum.
Aqui tot l'afaire !

Lei fotos son aqui :

Poedi pas editar. Fau ligir "leis ai messos" e pas "li ai messos" que voudrié ren dire !

Sai pas perqué mai l'adreisso s'es pas marcado . assagi un autre coup?...

https://sites.google.com/site/archeopoterie/Home/textes-inedits/lo-castelas

Boan diminche a totei...

Adiu vesin ! e benvenguda aqui.
Ai vist lei fotòs de 1967 dau castèu, es geniau. Li a agut dau trabalh despuei sus lei barris, mai es ben domatge que la restauracien es estat acapada.
Faudra que la region dona dei subvenciens per continuar l'obratge.
Ai conegut l'arche dau castèu quand eri pichòt, restièu a Gareut a l'epòca.

Merci d'aguer fach la promenado emé yéu !
Aviu pas sonjat de vos dire aussi qu'ai passat foeço temps sus leis archivos dei vilages.
Tot ce que podiu trobar d'escrich en provençau...
Lou provençau como si parlavo (o pulèu como s'escrivié) dins lo tems, eici, dins noestre rodou.
Podès aussi li mandar un coup d'ueilh :

https://sites.google.com/site/archeopoterie/Home/textes-inedits

https://sites.google.com/site/archeopoterie/Home/articles

Mi dirès ensin se podès doarbir lei "peços jonchos" dabas dei pajos !

Tè : autro cavo m'an demandat per la fin de la semano de cantar lei sonets de Ballaud de la Bellaudiero qu'aviu mes en musico dins lou tems. Lou conoeissès, lo Bellaud ? Yéu, es un de mei preferats...

Waou ! es tot simplament fabulòs ! Gramaci d'aver indicat tot aquò. Es un bèu trabalh d'archius. Ai pas encara tot vist, mai es fòrça interessent.
Sieu arribat a durbir lei fichiers. Lei textes son escrich en vielh provençau e es un testamoni de la riques de nostra region.
Coneissi pas lo Ballaud mai demandi qu'a lo coneisser. Siès adonc un musicaire, per pas dire trobador ?

Un sonnet de Belaud de la Belaudièro (XVIème siècle) :


RATS, RATES, ET RATONS


Je vous jure ma foi, qu’en moins d’une semaine,
Chacun verra plutôt, chats, chattes, et chatons,
Aimer et caliner, rats, rates et ratons,
Que moi perdre l’amour de Margot et d’Hélène,

Chacun verra plutôt les montagnes en plaines
Et vivre bons amis lévriers et lou-ba-tons
Et les chêvres n’avoir plus la barbe au menton
Que moi perdre l’amour d’Annillon et Germaine
________________

Ben vos juri ma fé qu’en mens d’uno semano,
Chascun veira puleu, gats, gatos, et gatons,
Amar e vouguer ben à rats ratos ratons,
Que you perdre l’amour de Margot e de Jano,

Chascun veira puleu lei montanhos en planos
Et viuvre boens amis lebriers et lou-ba-tons
Et lei cabros n’aguer plus la barbo eis mentons
Que you perdi l’amor d’Annillon et Bertrano

Et si quelque blanc bec venait dire d’audace,
Qu’il étreint mal son bien, celui qui trop embrasse,
Que d’une seulement, non pas tant il en chaut,

(E si quauque durbec venié dire d'audaço
Qu'estrenhe mau si pou lo fai cu troup l'embrasso
Que d'uno solament non pas tanto nen chau)

Alors je lui dirais, tu-es un âne compaire,
Car un homme ingénieux doit cent maîtresses faire,
Et rat qui se fie à... un seul trou est un sot !

Adonc li respondriu, vos, sias un ai compaire,
Car un homme ingénios duou cent mestressos faire,
E ben sot es lo rat que si fiso d’un trauc !


La musique est aqui :
https://sites.google.com/site/manuaguillonmusiqueschansons/home/chansons-provencales

Adiu e sias lou benvengut sul site!!!