Adieu en totei ! (un pau de provençau, un pau de lengadocian)

Adieu,

Me podètz sonar RdP, perqué vole pas dire mon nom vertadièr.
Pode escrieure en classic e en mistralenc, mon dialècte estènt lo provençau rodanenc, espere qu'es pas un
problema. Sieu venguda aqui que vole faire d'escambis embé lei gents que parlan provençau, lengadocian,
gasconh, auvernhat, etc... Sieu una femna de 20 ans e m'agrandan força lei lengas (occitan, francés, inglés,
italian, espagnou, aleman). Fau bessai força d'errors d'escritura perque es pas naturau per ieu d'escrieure
en classic, es noveu per ieu... escusatz-me per aquo, se vous plais...

En lengadocian :
Voli aprene lo dialèct lengadocian per mielhs posque comprene las autras lengas d'oc del Mièg-jorn, qu'amb
mon provençau es pas totjorn aisa de legir o de comprene l'accent del parlar del Sud-Oest.


Gramaci en totei, Mercé à vosautres, ai tant de causas a partejar e a aprene de vos...

Romantica de Provença

Adiu a tu !
Benvenguda aici, lo forum es un pauc plan-plan, pas força de monde cu participe mai es totjorn bèn utile d'aguer un siti consacrat a Provença per faire passar desi informacions. Per lei grafias, cadun fa come vòl, li a pas de norme e puei escrivi dei cops en francés (ieu tanben fau força d'errors de gramatica en provençau....en francés tanben mai es pas ben grave).
Mai d'onte siès ? D'aqui de Provença ?
Ieu, siau pas provençau, veni de la comtat (dau Jura) mai ai totjorn vescut en Provença, es un pauc ma tèrra adoptiva
A lèu !

Adieu

Sieu nascuda aqui, quauca part dins lo Nord de la Provença,
mai mei gents son dau Nord de la França.
Ai donc dos culturas differentas, pense qu'es (o siegue?) una bona causa.
A leu !

Benvegudo sus aqueste forum !
Espèri poudé escambiar eme tu (preferi escriéure dins la grafio mistralenco) !
Felicitacioun, parles forço lengo !
A bèn lèu !

Bienvenue parmi nous avec un peu de retard, je ne viens pas très souvent ici, mais j'apprécie ce petit forum provençal, vivement les vacances et les .Provence !!!! j'arrive bientôt !!!!!!!!!!!!!

benvenguda a tu, Romantica de Provença

que nom misterios !

Pensi que per legir lei tèxt de tota l'Occitania es mai aisat se escrives en classico (non, es pas la debuta d'una polemica contra lei mistralencs !)....Per lo "parlar" es parier o quasi.....

A lèu

Se soulamen aviéu de misterious que lou noum...

E per la grafi, aco's segoun li jour e li gent a quau parle. S'escrive en lengodoucian, per segur prene la grafi classico, mai per lou prouvençau es differènt. Sieu pas per uno grafi specifico, perqué li dos devrien èstre ensem per un tout complementàri.

Pèr eisèmple / Per exèmple ven "eixemple" per iéu. Dounc quand escrive en classi, iéu prene en comte li specificita prouvençalo que soun pas toujour estimado dins lou classi.

Parié per "plueio", en classi vèn "plueja", e perque dounc ? "plueia" sarié miés.
La grafi classico es uno bono causo tant que cambio pas lou mot vertadié.

Soulèu e Soleu => Solèu (per bèn marca l'acènt, aquesto differèncio dèu èstre noutado)

Après i a de letro que poudèn garda e pas prounouncia coumo per li dos "cc" qu'aqui disèn "ss" e pas "tse" => "ficcion"...

Aqui escrive en mistralen perqué ai pas toujour de tèms, aqueste tèms que me demando la grafi classico (lol). Es mai eisa.

Alors, de qué n'en pensas, ami de Prouvènço ? Iéu vole pas de guerro, vole just charra sus la coumplecita de nosti lengo d'o e di grafi que nous soun prepausado. Ai tant d'autris questioun sus aco, se poudèn n'en parla sèns "chi-chi" aco m'agradarié proun.